പാതിരാമഴയേതോ | ഉള്ളടക്കം (1991) | Pathiramazhayetho | Ulladakkam (1991)

പാതിരാമഴയേതോ ഹംസഗീതം പാടി

വീണപൂവിതളെങ്ങോ പിൻ നിലാവിലലിഞ്ഞു
നീല വാർമുകിലോരം ചന്ദ്രഹൃദയം തേങ്ങി
പാതിരാമഴയേതോ ഹംസഗീതം പാടി

കൂരിരുൾ ചിമിഴിൽ ഞാനും മൗനവും മാത്രം
മിന്നിയുലയും വ്യാമോഹ ജ്വാലയാളുകയായ്
എന്റ്റെലോകം..... നീമറന്നോ....
എന്റ്റെലോകം നീമറന്നോ
ഓർമ്മ പോലും മാഞ്ഞുപോവുവതെന്തേ

പാതിരാമഴയേതോ ഹംസഗീതം പാടി

ശൂന്യവേദികയിൽകണ്ടു നിൻ നിഴൽ ചന്ദം
കരിയിലക്കരയായ് മാറി സ്നേഹ സാമ്രാജ്യം
ഏകനായ് നീ.... പോയതെവിടെ ....
ഏകനായ് നീ പോയതെവിടെ
ഓർമ്മ പോലും മാഞ്ഞുപോവുവതെന്തേ


പാതിരാമഴയേതോ ഹംസഗീതം പാടി
വീണപൂവിതളെങ്ങോ പിൻ നിലാവിലലിഞ്ഞു
നീല വാർമുകിലോരം ചന്ദ്രഹൃദയം തേങ്ങി

 

==========================================
ചിത്രം: ഉള്ളടക്കം  (1991)
സംവിധാനം: കമൽ
ഗാനരചന: കൈതപ്രം
സംഗീതം: ഔസേപ്പച്ചൻ
ആലാപനം: യേശുദാസ്, ചിത്ര

ശരദിന്ദു മലര്‍ദീപ | ഉൾക്കടൽ (1979) | Sharadindu- Ulkadal (1979)

ശരദിന്ദു മലര്‍ദീപ നാളം നീട്ടി

സുരഭിലയാമങ്ങള്‍ ശ്രുതിമീട്ടി

ഇതുവരെ കാണാത്ത കരയിലേക്കോ....

ഇനിയൊരു ജന്മത്തിന്‍ കടവിലേക്കോ....

മധുരമായ് പാടി വിളിക്കുന്നു....ആരോ,

മധുരമായ് പാടി വിളിക്കുന്നു.

ശരദിന്തു മലര്‍ദീപ നാളം നീട്ടി

സുരഭിലയാമങ്ങള്‍ ശ്രുതിമീട്ടി

അറിയാത്തോരിടയന്റെ വേണുഗാനം

അകലെനിന്നെത്തുന്ന വേണുഗാനം

ഹൃദയം കൊതിച്ചു കൊതിച്ചിരിക്കും

പ്രണയ സന്ദേശം പകര്‍ന്നു പോകെ

ഹരിനീല കംബള ചുരുള്‍നിവര്‍ത്തി

വരവേല്‍ക്കും സ്വപ്‌നങ്ങള്‍ നിങ്ങളാരോ....

വരവേല്‍ക്കും സ്വപ്‌നങ്ങള്‍ നിങ്ങളാരോ....

ശരദിന്തു മലര്‍ദീപ നാളം നീട്ടി

സുരഭിലയാമങ്ങള്‍ ശ്രുതിമീട്ടി

ഇനിയും പകല്കിളി പാടിയെത്തും

ഇനിയും ത്രിസന്ധ്യ പൂചൂടിനില്‍ക്കും

ഇനിയും നമ്മള്‍ നടന്നു പോകും

വഴിയില്‍ വസന്ത മലര്കിളികള്‍

കുരവയും പാട്ടുമായ് കൂടെയെത്തും

ചിറകാര്‍ന്നസ്വപ്‌നങ്ങള്‍ നിങ്ങളാരോ....

ചിറകാര്‍ന്നസ്വപ്‌നങ്ങള്‍ നിങ്ങളാരോ....

==========================================

ചിത്രം: ഉൾക്കടൽ (1979)

സംവിധാനം: കെ. ജി. ജോർജ്

ഗാനരചന: ഒ. എൻ. വി. കുറുപ്പ്

സംഗീതം: എം. ബി. ശ്രീനിവാസൻ

ആലാപനം: പി. ജയചന്ദ്രൻ,  സെൽമ  ജോർജ്