ആ രാത്രി മാഞ്ഞുപോയി - പഞ്ചാഗ്നി | Aa Rathri Manju Poyi - Panchagni (1986)

 

 

ആ.... ആ... ആ... ആ...
ആ രാത്രി മാഞ്ഞുപോയി
ആ രക്തശോഭമാം

ആ രാത്രി മാഞ്ഞുപോയി
ആ രക്തശോഭമാം
ആയിരം കിനാക്കളും പോയിമറഞ്ഞൂ
ആ രാത്രിമാഞ്ഞുപോയീ
പാടാൻ മറന്നു പോയ
പാട്ടുകളല്ലോ നിൻ
മാടത്ത മധുരമായ് പാടുന്നു
ആ രാത്രി മാഞ്ഞുപോയി
ആ രക്തശോഭമാം
ആയിരം കിനാക്കളും പോയിമറഞ്ഞൂ
ആ രാത്രിമാഞ്ഞുപോയീ


അത്ഭുത കഥകൾ തൻ
ചെപ്പുകൾ തുറന്നൊരു
മുത്തെടുത്തിന്നുനിന്റെ
മടിയിൽ വയ്ക്കാം
അത്ഭുത കഥകൾ തൻ
ചെപ്പുകൾ തുറന്നൊരു
മുത്തെടുത്തിന്നുനിന്റെ
മടിയിൽ വയ്ക്കാം
പ്ലാവില പാത്രങ്ങളിൽ
പാവക്കു പാൽ കുറുക്കും
പൈതലായ് വീണ്ടുമെന്റെ
അരികിൽ നിൽക്കൂ
ആ.. ആ... ആ...

ആ രാത്രി മാഞ്ഞുപോയി
ആ രക്തശോഭമാം
ആയിരം കിനാക്കളും പോയിമറഞ്ഞൂ
ആ രാത്രിമാഞ്ഞുപോയീ

അപ്‌സരസ്സുകൾ താഴെ
ചിത്രശലഭങ്ങളായ്
പുഷ്‌പങ്ങൾ തേടിവരും
കഥകൾ ചൊല്ലാം
അപ്‌സരസ്സുകൾ താഴെ
ചിത്രശലഭങ്ങളായ്
പുഷ്‌പങ്ങൾ തേടിവരും
കഥകൾ ചൊല്ലാം
പൂവിനെപ്പോലും നുള്ളി
നോവിക്കാനരുതാത്ത
കേവലസ്‌നേഹമായ്
നീ അരികിൽ നിൽക്കൂ
ആ.. ആ... ആ...

ആ രാത്രി മാഞ്ഞുപോയി
ആ രക്തശോഭമാം
ആയിരം കിനാക്കളും പോയിമറഞ്ഞൂ
ആ രാത്രിമാഞ്ഞുപോയീ

 ============================

ചിത്രം: പഞ്ചാഗ്നി (1986)
സംവിധാനം: ഹരിഹരൻ
​ഗാനരചന: ഒ.എൻ.വി.
സം​ഗീതം: ബോംബെ രവി
ആലാപനം: കെ എസ് ചിത്ര

ആലിലത്താലിയുമായ്‌ വരു നീ - മിഴി രണ്ടിലും | Aalilathaliyumai Varu Nee - Mizhi Randilum (2003)

 

 

ആലിലത്താലിയുമായ്‌ വരു നീ
തിങ്കളേ ഇതിലേ ഇതിലേ
ആവണിപൊയ്കയിൽ നാണമോലും
ആമ്പലോ വധുവായ്‌ അരികേ
മാനത്തായ്‌ മുകിലകലെ മറയുമൊരു
യാമത്തിൽ അനുരാഗമലിയുമൊരു
മാനത്തായ്‌ മുകിലകലെ മറയുമൊരു
യാമത്തിൽ അനുരാഗമലിയുമൊരു
മാംഗല്യം രാവിൽ
ആലിലത്താലിയുമായ്‌ വരു നീ
തിങ്കളേ ഇതിലേ ഇതിലേ
ആവണിപൊയ്കയിൽ നാണമോലും
ആമ്പലോ വധുവായ്‌ അരികേ

മേലേ മാളികയിൽ നിന്നും
രഥമേറിവന്ന മണിമാരൻ
മണവാട്ടിയായ വരമഞ്ജുളാംഗിയുടെ
സ്വന്തമായ നിമിഷം
മേലേ മാളികയിൽ നിന്നും
രഥമേറിവന്ന മണിമാരൻ
മണവാട്ടിയായ വരമഞ്ജുളാംഗിയുടെ
സ്വന്തമായ നിമിഷം
വരവേൽക്കു മൈനേ നിറ
മംഗളമരുളൂ കോകിലമേ
വരവേൽക്കു മൈനേ നിറ
മംഗളമരുളൂ കോകിലമേ
സുരഭിലമായൊരു മണിയറ മെനയൂ
മധുവന മാനസമേ

ആലിലത്താലിയുമായ്‌ വരു നീ
തിങ്കളേ ഇതിലേ ഇതിലേ...
ആവണിപൊയ്കയിൽ നാണമോലും
ആമ്പലോ വധുവായ്‌ അരികേ

ചന്ദന കുറിയണിഞ്ഞും നറു കുങ്കുമ തിലകമോടെ
കനകാംഗുലീയമണിയുന്ന
ദേവ സവിദേവി ലോല നീയേ
ചന്ദന കുറിയണിഞ്ഞും നറു കുങ്കുമ തിലകമോടെ
കനകാംഗുലീയമണിയുന്ന
ദേവ സവിദേവി ലോല നീയേ
ഇതളണിയുന്നല്ലോ കുമുദിനിയുടെ
കനവുനിലാവൊളിയിൽ
ഇതളണിയുന്നല്ലോ കുമുദിനിയുടെ
കനവുനിലാവൊളിയിൽ
പുതിയൊരു ജീവിത വനികയിലുണരു
കുറുമൊഴി മുല്ലകളേ

ആലിലത്താലിയുമായ്‌ വരു നീ
തിങ്കളേ ഇതിലേ ഇതിലേ...
ആവണിപൊയ്കയിൽ നാണമോലും
ആമ്പലോ വധുവായ്‌ അരികേ
മാനത്തായ്‌ മുകിലകലെ മറയുമൊരു
യാമത്തിൽ അനുരാഗമലിയുമൊരു
മാനത്തായ്‌ മുകിലകലെ മറയുമൊരു
യാമത്തിൽ അനുരാഗമലിയുമൊരു
മാംഗല്യം രാവിൽ
ആലിലത്താലിയുമായ്‌ വരു നീ
തിങ്കളേ ഇതിലേ ഇതിലേ
ആവണിപൊയ്കയിൽ നാണമോലും
ആമ്പലോ വധുവായ്‌ അരികേ

==============================

ചിത്രം: മിഴി രണ്ടിലും (2003)
സംവിധാനം: രഞ്ജിത്
​ഗാനരചന: വയലാർ ശരത്ചന്ദ്രവർമ്മ
സം​ഗീതം: രവീന്ദ്രൻ
ആലാപനം: പി ജയചന്ദ്രൻ
 

 

 

എന്നോടൊത്തുണരുന്ന പുലരികളേ - സുകൃതം | Ennodothunarunna Pularikale - Sukrutham (1994)

 

 

 

പോരൂ, പോരൂ.

എന്നോടൊത്തുണരുന്ന പുലരികളേ
എന്നൊടൊത്തു കിനാവുകണ്ടു ചിരിക്കുമിരവുകളേ
എന്നോടൊത്തുണരുന്ന പുലരികളേ
എന്നൊടൊത്തു കിനാവുകണ്ടു ചിരിക്കുമിരവുകളേ
യാത്ര തുടരുന്നു, ശുഭയാത്ര നേർന്നു വരൂ
യാത്ര തുടരുന്നു, ശുഭയാത്ര നേർന്നു വരൂ

ഒരു കുടന്ന നിലാവു കൊണ്ടെൻ
നിറുകയിൽ കുളിർ തീർഥമാടിയ നിശകളേ
നിഴലുമായിണ ചേർന്നു നൃത്തം ചെയ്ത പകലുകളേ
പോരൂ,പോരൂ.
യാത്ര തുടരുന്നു, ശുഭ യാത്ര നേർന്നു വരൂ.

തുളസിവെറ്റില തിന്നു ചുണ്ടു തുടുത്ത സന്ധ്യകളേ
തുയിലുണർത്താൻ വന്നൊരോണക്കിളികളേ നന്ദി
അമൃതവർഷിണിയായ വർഷാകാലമുകിലുകളേ
ഹൃദയമെരിയേ അലരി മലരായ്
പൂത്തിറങ്ങിയ വേനലേ
നന്ദി, നന്ദി.
യാത്ര തുടരുന്നു, ശുഭയാത്ര നേർന്നു വരൂ.

എന്റെ വഴികളിൽ മൂക സാന്ത്വനമായ പൂവുകളേ
എന്റെ മിഴികളിൽ വീണുടഞ്ഞ കിനാക്കളേ നന്ദി
മധുരമാം പാഥേയമായ് തേൻ കനികൾ തന്ന തരുക്കളേ
തളരുമീയുടൽ താങ്ങി നിർത്തിയ പരമമാം കാരുണ്യമെ
നന്ദി, നന്ദി.
എന്നോടൊത്തുണരുന്ന പുലരികളേ
എന്നൊടൊത്തു കിനാവു കണ്ടു ചിരിക്കുമിരവുകളേ
യാത്ര തുടരുന്നു, ശുഭയാത്ര നേർന്നു വരൂ,
യാത്ര തുടരുന്നു, ശുഭയാത്ര നേർന്നു വരൂ,

==============================

ചിത്രം: സുകൃതം (1994)
സംവിധാനം: ഹരികുമാര്‍
​ഗാനരചന: ഒ എന്‍ വി കുറുപ്പ്
സം​ഗീതം: ബോംബെ രവി
ആലാപനം: യേശുദാസ്