അഴലിൻ ഇരുളിൽ ഇടറുമീ തരള മിഴികളിൽ
മധുരിതമായ്‌ പകരുകില്ലേ
ഹൃദയ സാന്ത്വന ഗീതം
സുഖദ സാന്ത്വന ഗീതം
ഉരുകി ഉരുകി എരിയുമീ മെഴുകു തിരികളിൽ
അകലെ വിണ്ണിൻ വീഥിയിൽ ആർദ്ര രാത്രിയിൽ
മഴമുകിലിൽ മാഞ്ഞുപോം സ്നേഹ താരമേ
തളർന്നുറങ്ങാൻ താരാട്ടുണ്ടോ
താന്തമാം ഈണമുണ്ടോ താന്തമാം ഈണമുണ്ടോ
ഉരുകി ഉരുകി എരിയുമീ മെഴുകു തിരികളിൽ
അലയറിയാ തോണിയിൽ അലയും യാത്രയിൽ
തുഴമുറിഞ്ഞു പോയൊരെൻ മൂക സ്വപ്നമേ
അകലെ ഏതോ തീരങ്ങളുണ്ടോ
അഭയ കുടീരമുണ്ടോ അഭയ കുടീരമുണ്ടോ
ഉരുകി ഉരുകി എരിയുമീ മെഴുകു തിരികളിൽ
അഴലിൻ ഇരുളിൽ ഇടറുമീ തരള മിഴികളിൽ
മധുരിതമായ്‌ പകരുകില്ലേ
ഹൃദയ സാന്ത്വന ഗീതം
സുഖദ സാന്ത്വന ഗീതം
==============================
ചിത്രം: ലേലം (1997 )
സംവിധാനം: ജോഷി
ഗാനരചന: ഗിരീഷ് പുത്തഞ്ചേരി
സംഗീതം: ഔസേപ്പച്ചൻ
ആലാപനം: യേശുദാസ്
No comments:
Post a Comment