വാൽക്കണ്ണെഴുതിയ - പൈതൃകം (1993) | Valkannezhuthiya - Paithrukam (1993)

വാൽക്കണ്ണെഴുതിയ മകരനിലാവിൽ
മാമ്പൂ മണമൊഴുകി
ആതിര വിരിയും തളിരൂഞ്ഞാലായ്
തുളസി കതിരാടി
വാർമുടിയുലയുകയായ്...
നൂപുരമുണരുകയായ്...
വാർമുടിയുലയുകയായ്
നൂപുരമുണരുകയായ്
മംഗലപ്പാലയിൽ
ഗന്ധർവ്വനണയുകയായ്

വാൽക്കണ്ണെഴുതിയ മകരനിലാവിൽ
മാമ്പൂ മണമൊഴുകി

താരാമഞ്ജരിയിളകും
ആനന്ദഭൈരവിയിൽ
താനവർണ്ണം പാടുകയായ്
രാഗ മധുവന ഗായിക
എന്റെ തപോവന ഭൂമിയിൽ
അമൃതം പെയ്യുകയായ്

വാൽക്കണ്ണെഴുതിയ മകരനിലാവിൽ
മാമ്പൂ മണമൊഴുകി

നാലുകെട്ടിന്നുളിൽ
മാതാവായ് ലോകം
താതനോതും മന്ത്രവുമായ്
ഉപനയനം വരമേകി
നെയ് വിളക്കിൻ പൊൻനാളം
മംഗളമരുളുകയായ്

വാൽക്കണ്ണെഴുതിയ മകരനിലാവിൽ
മാമ്പൂ മണമൊഴുകി
ആതിര വിരിയും തളിരൂഞ്ഞാലായ്
തുളസി കതിരാടി
വാർമുടി ഉലയുകയായ്...
നൂപുരമുണരുകയായ്...
വാർമുടി ഉലയുകയായ്
നൂപുരമുണരുകയായ്
മംഗലപ്പാലയിൽ
ഗന്ധർവ്വനണയുകയായ്
വാൽക്കണ്ണെഴുതിയ മകരനിലാവിൽ
മാമ്പൂ മണമൊഴുകി
ആതിര വിരിയും തളിരൂഞ്ഞാലായ്
തുളസി കതിരാടി
============================

ചിത്രം: പൈതൃകം (1993)
സംവിധാനം: ജയരാജ്
​ഗാനരചന: കൈതപ്രം
സം​ഗീതം: എസ്. പി. വെങ്കിടേഷ്
ആലാപനം: യേശുദാസ്

കൂട്ടിൽ നിന്നും - താളവട്ടം(1986) | Koottil Ninnum - Thalavattam(1986)

 

കൂട്ടിൽ നിന്നും മേട്ടിൽ വന്ന പൈങ്കിളിയല്ലേ
തൂവെളിച്ചം കോരി നിൽ‌ക്കും പൂക്കണിയല്ലേ
ആകാശം താഴുന്നു നീഹാരം തൂവുന്നു
കതിരൊളികൾ പടരുന്നൂ
ഇരുളലകൾ അകലുന്നൂ
പുലർ‌ന്നു പുലർ‌ന്നു തെളിഞ്ഞു തെളിഞ്ഞു
ചുവന്നു തുടുത്ത മാനം നോക്കി
കൂട്ടിൽ നിന്നും മേട്ടിൽ വന്ന പൈങ്കിളിയല്ലേ
തൂവെളിച്ചം കോരി നിൽ‌ക്കും പൂക്കണിയല്ലേ

ഈ വഴിയരികിൽ ഈ തിരുനടയിൽ
ഈ വഴിയരികിൽ ഈ തിരുനടയിൽ
പൊന്നിൻ മുകിൽ തരും ഇളം നിറം വാരിച്ചൂടി
മഞ്ഞിൻ തുകിൽ പടം ഇടും സുമതടങ്ങൾ പൂകി
മരന്ദകണങ്ങൾ ഒഴുക്കി മനസ്സിൽ
കുറിച്ചു തരുന്നു നിൻ സംഗീതം

കൂട്ടിൽ നിന്നും മേട്ടിൽ വന്ന പൈങ്കിളിയല്ലേ
തൂവെളിച്ചം കോരി നിൽ‌ക്കും പൂക്കണിയല്ലേ

തേൻ‌കനിനിരകൾ തേനിതളണികൾ
തേൻ‌കനിനിരകൾ തേനിതളണികൾ
തെന്നൽ നറും നറും മലർ മണം എങ്ങും വിശി
കാതിൽ കളം കളം കുളിർ മൃദുസ്വരങ്ങൾ മൂളി
അനന്തപഥങ്ങൾ കടന്നു
അണഞ്ഞു പറഞ്ഞു തരുന്നു നിൻ കിന്നാരം

കൂട്ടിൽ നിന്നും മേട്ടിൽ വന്ന പൈങ്കിളിയല്ലേ
തൂവെളിച്ചം കോരി നിൽ‌ക്കും പൂക്കണിയല്ലേ
ആകാശം താഴുന്നു നീഹാരം തൂവുന്നു
കതിരൊളികൾ പടരുന്നൂ
ഇരുളലകൾ അകലുന്നൂ
പുലർ‌ന്നു പുലർ‌ന്നു തെളിഞ്ഞു തെളിഞ്ഞു
ചുവന്നു തുടുത്ത മാനം നോക്കി
കൂട്ടിൽ നിന്നും മേട്ടിൽ വന്ന പൈങ്കിളിയല്ലേ
തൂവെളിച്ചം കോരി നിൽ‌ക്കും പൂക്കണിയല്ലേ

===================================

ചിത്രം: താളവട്ടം(1986)
സംവിധാനം: പ്രിയദർശൻ
​ഗാനരചന: പൂവച്ചൽ ഖാദർ
സം​ഗീതം: രാജാമണി
ആലാപനം: യേശുദാസ്

ഏതോ നിദ്രതൻ - അയാൾ കഥയെഴുതുകയാണ് (1998) | Etho Nidrathan - Ayal Kadha Ezhuthukayanu (1998)

 

ഏതോ നിദ്രതൻ പൊൻമയിൽപ്പീലിയിൽ
ഏഴുവർണ്ണകളും നീർത്തി
തളിരിലത്തുമ്പിൽ നിന്നുതിരും
മഴയുടെ ഏകാന്ത സംഗീതമായ്
മൃദുപദമോടെ, മധുമന്ത്രമോടെ
അന്നെന്നരികിൽ വന്നുവെന്നോ...
എന്തേ ഞാനറിഞ്ഞീല, ഞാനറിഞ്ഞീല
ഏതോ നിദ്രതൻ പൊൻമയിൽപ്പീലിയിൽ

ആ വഴിയോരത്ത് അന്നാർദ്രമാം സന്ധ്യയിൽ
ആവണിപ്പൂവായ് നീ നിന്നുവെന്നോ
.........
ആ വഴിയോരത്ത് അന്നാർദ്രമാം സന്ധ്യയിൽ
ആവണിപ്പൂവായ് നീ നിന്നുവെന്നോ...
കുറുനിര തഴുകിയ കാറ്റിനോടന്നു നിൻ
ഉള്ളം തുറന്നുവെന്നോ
അരുമയാം ആ മോഹ പൊൻതൂവലൊക്കെയും
പ്രണയ നിലാവായ് പൊഴിഞ്ഞുവെന്നോ
എന്തേ ഞാനറിഞ്ഞീല ഞാനറിഞ്ഞീല

ഏതോ നിദ്രതൻ പൊൻമയിൽപ്പീലിയിൽ

ഈ മുളംതണ്ടിൽ ചുരന്നൊരെൻ പാട്ടുകൾ
പാലാഴിയായ് നെഞ്ചിൽ നിറച്ചുവെന്നോ
.....
ഈ മുളംതണ്ടിൽ ചുരന്നൊരെൻ പാട്ടുകൾ
പാലാഴിയായ് നെഞ്ചിൽ നിറച്ചുവെന്നോ
അതിലൂറുമമൃതകണങ്ങൾ കോർത്തു നീ
അന്നും കാത്തിരുന്നെന്നോ
അകതാരിൽ കുറുകിയ വെൺപ്രാക്കളൊക്കെയും
അനുരാഗദൂതുമായ് പറന്നുവെന്നോ.
എന്തേ ഞാനറിഞ്ഞീല ഞാനറിഞ്ഞീല

ഏതോ നിദ്രതൻ പൊൻമയിൽപ്പീലിയിൽ
ഏഴുവർണ്ണകളും നീർത്തി
തളിരിലത്തുമ്പിൽ നിന്നുതിരും
മഴയുടെ ഏകാന്ത സംഗീതമായ്
മൃദുപദമോടെ, മധുമന്ത്രമോടെ
അന്നെന്നരികിൽ വന്നുവെന്നോ...
എന്തേ ഞാനറിഞ്ഞീല, ഞാനറിഞ്ഞീല

=============================

ചിത്രം: അയാൾ കഥയെഴുതുകയാണ് (1998)
സംവിധാനം: കമൽ
​ഗാനരചന: കൈതപ്രം
സം​ഗീതം: രവീന്ദ്രൻ
ആലാപനം: യേശുദാസ്

പാതിരാ പുള്ളുണർന്നു - ഈ പുഴയും കടന്ന് (1996) | Paathira Pullunarnnu - Ee Puzhayum Kadannu(1996)

പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു
പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു
താമരപ്പൂങ്കൊടീ തങ്കച്ചിലമ്പൊലീ
നീ മാത്രം ഉറക്കമെന്തേ പിണക്കമെന്തേ
പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു

ചന്ദന ജാലകം തുറക്കൂ
നിൻ ചെമ്പകപ്പൂമുഖം വിടർത്തൂ
നാണത്തിൻ നെയ്ത്തിരി കൊളുത്തൂ
ഈ നാട്ടുമാഞ്ചോട്ടിൽ വന്നിരിക്കൂ
അഴകുഴിയും മിഴികളുമായ്
കുളിരണിയും മൊഴികളുമായ്
ഒരു മാത്രയെന്നെയും ക്ഷണിക്കൂ
ഈ രാത്രി ഞാൻ മാത്രമായ്

പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു

അഞ്ജനക്കാവിലെ നടയിൽ ഞാൻ
അഷ്ടപദീലയം കേട്ടൂ
അന്നു തൊട്ടെൻ കരൾ ചിമിഴിൽ നീ
ആർദ്രയാം രാധയായ് തീർന്നു
പുഴയൊഴുകും വഴിയരികിൽ
രാക്കടമ്പിൻ പൂമഴയിൽ
മുരളികയൂതി ഞാൻ നിൽപ്പൂ
പ്രിയമോടെ വരുകില്ലയോ

പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു
താമരപ്പൂങ്കൊടീ തങ്കച്ചിലമ്പൊലീ
നീ മാത്രം ഉറക്കമെന്തേ പിണക്കമെന്തേ
പാതിരാ പുള്ളുണർന്നു
പരൽ‌ മുല്ലക്കാടുണർന്നു
പാഴ്‌മുളം കൂട്ടിലേ കാറ്റുണർന്നു...

=====================================
ചിത്രം: ഈ പുഴയും കടന്ന് (1996)
സംവിധാനം: കമൽ
​ഗാനരചന: ​ഗിരീഷ് പുത്തഞ്ചേരി
സം​ഗീതം: ജോൺസൺ
ആലാപനം: യേശുദാസ്