പൂമുഖം വിടർന്നാൽ - കാരുണ്യം | Poomukham Vidarnnaal - Karunyam (1997)

 

പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം
പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം
ഹൃദയത്തിലെപ്പോഴും പ്രണയ സരോവരം
പ്രിയതേ നിനക്കെന്തൊരഴക് അഴക് അഴക്
പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം

നിൻ മൃദു യൗവനം വാരിപുതയ്ക്കുന്നതെന്റെ വികാരങ്ങളല്ലേ
നിൻ മൃദു യൗവനം വാരിപുതയ്ക്കുന്നതെന്റെ വികാരങ്ങളല്ലേ
നിൻ മാറിലെന്നും മുഖം ചേർത്തുറങ്ങുന്നതെന്റെ സ്വപ്നങ്ങളല്ലേ
നീ എന്നു സ്വന്തമാകും ഓമനേ എന്നു നീ സ്വന്തമാകും

പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം

എൻ മണിച്ചില്ലകൾ പൂത്തു വിടർന്നത്‌ നിനക്കിരിക്കാൻ മാത്രമല്ലേ
എൻ മണിച്ചില്ലകൾ പൂത്തു വിടർന്നത്‌ നിനക്കിരിക്കാൻ മാത്രമല്ലേ
തങ്കക്കിനാവുകൾ തൈമാസ രാവുകൾ നമുക്കൊന്നു ചേരുവാനല്ലേ
സ്വയംവര മണ്ഡപത്തിൽ ഓമനേ എന്നു നീ വന്നു ചേരും

പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം
പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം
ഹൃദയത്തിലെപ്പോഴും പ്രണയ സരോവരം
പ്രിയതേ നിനക്കെന്തൊരഴക് അഴക് അഴക്
പൂമുഖം വിടർന്നാൽ പൂർണ്ണേന്ദു
നീ പുഞ്ചിരിച്ചാൽ ഇന്ദ്രജാലം


======================
ചിത്രം: കാരുണ്യം(1997 )
സംവിധാനം: ലോഹിതദാസ്
ഗാനരചന, സംഗീതം: കൈതപ്രം
ആലാപനം: യേശുദാസ്