ആകാശങ്ങളിൽ വാഴും
തിരുതാരാനാഥനു സ്തോത്രം
എന്നും നന്മകൾ ഏകൂ
ഞങ്ങൾക്കെല്ലാ പുണ്യവും നൽകൂ
മഴവില്ലിൻ മംഗലശ്രീപോലെ
ഒരു പൂവൽ പൈങ്കിളി ചേക്കേറി
രാഗസുമംഗലിയായ്
ദേവമനോഹരിയായ്
ദൂരെ മാമരകൊമ്പിൽ
ഒരു താരാജാലകക്കൂട്ടിൽ
ഏതോ കാർത്തിക നാളിൽ
മലർ പൂക്കും പൗർണമി വാവിൽ
പാഴ്മുളം തണ്ടായ് മൂളുകയായി
വഴിയും സംഗീതം
കളിയാടും കാറ്റിൽ മേലാകെ
കുളിരും സല്ലാപം
തിര കായൽത്തീരത്തെ മാന്തോപ്പിൽ
മഴ നൂലാൽ തീർക്കുമൊരൂഞ്ഞാലിൽ
മതിമറന്നവളാടുന്നേ മണിമയിൽക്കുരുന്നായ്
ദൂരെ മാമരകൊമ്പിൽ
ഒരു താരാജാലകക്കൂട്ടിൽ
ഏതോ കാർത്തിക നാളിൽ
മലർ പൂക്കും പൗർണമി വാവിൽ
പീലി നിലാവിൻ പിച്ചകത്തേരിൽ
അണയും രാത്തിങ്കൾ
സ്നേഹപരാഗം പെയ്യുകയായി
മനസ്സിൻ പൂച്ചെണ്ടിൽ
നിറമാറിൽ ചേർത്തവൾ താരാട്ടി
മിഴിനീരിൻ തുള്ളി തുടച്ചാറ്റി
ശിശിര ചന്ദ്രികയായ്
മധുരസാന്ത്വനമായ്
ദൂരെ മാമരകൊമ്പിൽ
ഒരു താരാജാലകക്കൂട്ടിൽ
ഏതോ കാർത്തിക നാളിൽ
മലർ പൂക്കും പൗർണമി വാവിൽ
മഴവില്ലിൻ മംഗലശ്രീപോലെ
ഒരു പൂവൽ പൈങ്കിളി ചേക്കേറി
രാഗസുമംഗലിയായ്
ദേവമനോഹരിയായ്
===================
ചിത്രം: വർണ്ണപ്പകിട്ട് (1997)
സംവിധാനം: ഐ.വി. ശശി
ഗാനരചന: ഗിരീഷ് പുത്തഞ്ചേരി
സംഗീതം: വിദ്യാസാഗർ
ആലാപനം: കെ.എസ്. ചിത്ര
No comments:
Post a Comment